“Vladimir Putin është një kriminel lufte” Ish-kryeministri britanik në një linjë mendimi si Joe Biden

Ish-kryeministri britanik David Cameron e ka cilësuar presidentin rus Vladimir Putin si një kriminel lufte.

Ai theksoi se Mbretëria e Bashkuar duhet ta kryejë detyrën ekonomike ashtu siç po e kryejnë në aspektin ushtarak forcat e armatosura të Ukrainës.

Cameron i ka bërë thirrje Shteteve të Bashkuara dhe vendeve evropiane, që të mos marrin pjesën në samitin e radhës së G20 që do të mbahet në nëntor në Bali të Indonezisë – nëse Putin ftohet dhe mund të merr pjesë.

“Është e paimagjinueshme, që presidenti amerikan të ulet pranë dikujt që është kriminel lufte. Putin po bombardon civilët në shtëpitë e tyre, shkollat dhe spitalet”, tha Cameron gjatë një interviste dhënë për CNN.

Ish-kryeministri britanik u shpreh i bindur se Britania duhet të “bëjë çfarëdo që mundet” për ta ndihmuar palën ukrainase në veprimet ushtarake – duke përfshirë këtu rritjen e presionit duke i vënë sanksione tjera Rusisë.

“Duhet të dimë se derisa nuk mund të fusim trupat tona dhe të aplikojmë një zonë të ndalim-fluturimit nga frika se konflikti mund të zgjerohet – duke të bëjmë gjithçka tjetër që mundemi”, shtoi Cameron.