LIGJET E BIZNESIT
Policia e Tiranës ka vënë në pranga një 59-vjeçar.
Ai është denoncuar nga pronarët e një kompanie ku kishte detyrën e administratorit për vjedhje.
Sipas uniformave blu, personi në fjalë i ka vjedhur kompanisë që drejtonte 28 milion lekë përgjatë një periudhe 3-vjeçare duke i shkaktuar një dëm kolosal.
Mësohet se këtë vjedhje ai e kishte kryer në bashkëpunim me bashkëshorten e tij, e cila kishte detyrën e ekonomistes së kompanisë, e cila është proceduar penalisht.
“Nga veprimet hetimore ka rezultuar se ky shtetas, gjatë ushtrimit të detyrës si administrator në një kompani private, për një periudhë 3-vjeçare, nga viti 2018 deri në vitin 2021, duke shpërdoruar detyrën, ka vjedhur 28 milionë lekë të rinj nga të ardhurat e kompanisë. Gjithashtu, në vijim të këtij operacioni, u procedua penalisht bashkëpunëtorja e tij, shtetasja N. Gj., me detyrë ekonomiste”, njofton policia.
