Këto ditë çmimi i naftës ka arritur në shifra rekord, deri në 270 lekë për litër.
Për këtë, janë nisur të organizohen protesta në të gjithë Shqipërinë.
Në këtë situatë, ku në shënjestër është qeveria dhe politikanët si përgjegjësit kryesore, ministrja e Rinisë dhe Fëmijëve Bora Muzhaqi thotë se është e detyruar që të përdorë makinën, por qytetarëve u kërkon mos ndjekin shembullin e saj dhe të lëvizin në këmbë ose me biçikleta.
“Unë si ministre e kam të detyruar të vij me makinë. Mund të vijë dhe në këmbë, do përpiqem që të vij edhe në këmbë. Unë zakonisht lëviz me biçiklet po… Qytetarët për arsye ambientaliste duket përgjegjësisht të përpiqen të lëvizin në këmbë ose me biçikletë siç kam pasur bërë unë. Por nëse i duhet edhe me makinë”, u shpreh Muzhaqi.
