“Ukrainasit janë njohur me kërkesat tona” Raundi i dytë i bisedimeve, Kremlini zyrtar zbardh çfarë ndodhi dje

Zëdhënësi i Kremlinit, Dimitry Peskov ka dalë sot me një reagim, pas negociatave që u zhvilluan dje me delegacionin ukrainas.

Ai bën me dije se deri më tani nuk ka asnjë nënshkrim të ndonjë dokumenti zyrtar mes Rusisë dhe Ukrainës,

“Raundi i dytë i negociatave u zhvillua dje,” tha Peskov në një konferencë me gazetarët. “Tani është në dorën e këtyre negociatave. Është një mundësi që delegacionet t’i përcjellin njëri-tjetrit të gjithë elementët e pozicioneve pa ndërmjetës të panevojshëm. Elementet e qëndrimit tonë janë vënë në vëmendje të palës ukrainase.”

I pyetur për mundësinë e nënshkrimit të ndonjë marrëveshjeje të nivelit të lartë nga të dyja palët, Peskov tha: “Nuk flitet ende për (nënshkrimin) e ndonjë dokumenti. Bisedimet që u zhvilluan ishin një mundësi e mirë për të përcjellë qartë vizionin tonë për këtë problem.”