Politikani italian i të djathtës ekstreme, Mateo Salvini, që ishte fotografuar më herët në Moskë teksa mbante një bluzë në të cilën ishte vendosur fotografia e Putinit, është gjendur përballë një momenti aspak të këndshëm për të teksa po vizitonte kufirin mes Polonisë dhe Ukrainës.
Teksa Salvini po fliste, kryetari i Komunës së Przemsyl, Wojciech Bakun, ka ndërhyrë duke i ndërprerë fjalën dhe duke shfaqur bluzën me fotografinë e Putinit të ngjashme me atë që Salvini kishte veshur gjatë vizitës në Rusi.
Wojciech Bakun e ka quajtur Mateo Salvinin si mik të Vladimir Putinit, ndërsa janë dëgjuar edhe njerëz të tjerë që e kanë quajtur ish-zv.kryeministrin italian si “kloun”.
Salvini e ka lavdëruar Putinin në të kaluarën si “një ndër shtetarët më të mirë.” Ai ka mohuar se ka marrë para nga ana e Kremlinit.
