“Të gjithë për një Parti Demokratike” Basha mbyll fushatën në Shkodër, fton qytetarët në zgjedhjet e së dielës

Kryetari i Partisë Demokratike Lulzim Basha mbylli sot fushatën në qytetin e Shkodrës për zgjedhjet e pjesshme vendore.

Më datë 6 mars, do të votohet në 6 bashki të Shqipërisë.

Në fjalën e tij para gjithë demokratëve, Basha tha se duhet të bëhen të gjithë bashkë për të çarë rrethimin e të keqes.

Teksa i ftoi të gjithë të dalin masivisht në votime, kreu i demokratëve u shpreh se të bëhemi bashkë për një Parti Demokratike, duke votuar Xhemal Bushatin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Në këto zgjedhje, kujdestarit i kemi vënë fytyrën tuaj, fytyrën e qytetarit, e guximtarit, fytyrën e Xhamal Bushatit, birit shkodran dhe demokratit shkodran i cili edhe në këtë rrethim ku ndodhemi është bërë zëri juaj, shpresa juaj për të mos e lejuar Shkodrën të bjerë ne errësire, por për të qëndruar të gjithë bashkë.

Ju ftoj që këtë energji që kemi mbledhur ta derdhni vrullshëm, të gjithë bashkë për të carë rrethimin e të keqes. Të gjithë masivisht të diele, për një Parti Demokratike, votoni numrin 3 dhe Xhemal Bushatin”, tha Basha.