Sulmuesi nuk realizoi penalltinë, tifozi turk nuk përmbahet, qëllon televizorin me armë

Mbrëmjen e djeshme Portugalia arriti të mposhtë Turqinë me rezultat 3-1 në ndeshjen gjysmëfinale të play-offit. Ndeshja nisi mirë për portugezët të cilët arritën të shënojnë dy herë në pjesën e parë me Otavion në minutën e 15-të dhe Diego Jotën në minutën e 42-të. Mirëpo as Turqia nuk mbeti pas, pasi shënoi gol në minutën e 65-të me Burak Yilmaz. Ky i fundit kishte mundësinë që ta dyfishonte rezultatin mirëpo nuk ia doli pasi humbi penalltinë në minutën e 83-të.

Një moment i tillë sigurisht që nuk është pritur aspak mirë nga tifozët turq. Në një video të shpërndarë në rrjete sociale duket një tifoz i cili para se sulmuesi të nisej për te topi dhe ta godiste atë drejt portës nga pika e bardhë, tifozi kishte drejtuar armën në drejtim të televizorit dhe qëlloi pak pasi kuptoi se Yilmaz nuk e gjeti dot portën portugeze.