Sporti në zi, ushtria ruse i merr jetën nënkampionit të botës në kikboks

Sporti ukrainas ndodhet në zi pasi ushtria ruse i merr jetën një tjetër sportisti nga Ukraina. Bëhet fjalë për të riun 22-vjeçari Yevhen Zvonok, i cili ka ndërruar jetë pas plagëve të marra gjatë luftimeve në qytetin e Chernigovone.

Mediat atje njoftojnë se 22-vjeçari ndërroi jetë nga bombardimet e ushtrisë ruse, me Zvonok që ishte kampion, teksa kishte fituar medaljen e argjendtë në Kampionat Botëror të kikboksit.

“Askush nuk e priste që ai t’i merrte armët. Ai ishte një djalë i qetë dhe i mirë, një sportist i talentuar. Por, kur erdhi koha për ta mbrojtur vendin, ai nuk mendoi fare.

Ai e kishte nisur karrierën sportive, vitin e kaluar ishte i dyti në Botërorin e Kikboksit dhe kampion i Ukrainës. Ne ishim duke e përgatitur atë për gara ndërkombëtare dhe në fund të marsit ai do të duhej të merrte pjesë në kampionatin ukrainas në Odessa”, përfundoi trajneri i sportistit, Sergey Lysyuk.