Kryeministri Edi Rama ka paralajmëruar sot, se dita pa makina mund të bëhet pjesë e pandashme e kalendarit mujor të aktiviteteve.
Kjo sipas tij do të realizohet me anë të bashkëpunimit me pushtetin lokal.
Rama u shpreh se për një cilësi jetese më të mirë, do të duhet që në bashkëpunim me bashkitë të fuqizohet transporti publik dhe të bëhet nxitja e përdorimit të biçikletave në qytet.
Rama:
DITA PA MAKINA duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona.
