Presidenti Ilir Meta ka ngritur edhe njëherë problemin e shpopullimit të Shqipërisë.
Ai publikoi një tabelë që tregon shifra të larta të azilkërkuesve në një nga vendet e Bashkimit Europian.
Kreu i Shtetit zbulon se janë larguar vitin e shkuar 11 246 shqiptarë nga vendi duke na renditur sërish të parët për numrin e aplikimeve.
“Shpopullimi i Shqipërisë nuk po ndalet, ta ndalim duke bashkuar energjitë për ti rikthyer shpresën vendit”-shkruan Meta.
REAGIMI I PLOTE
Shpopullimi i Shqipërisë nuk po ndalet.
Vitin e kaluar, sipas “European Union Agency for Asylum”, 11,246 shqiptarë kërkuan azil në një nga vendet e Bashkimit Europian, duke na renditur sërish të parët për numrin e aplikimeve.
Largimi i të rinjve, si dhe i fuqisë intelektuale dhe punëtore më të kualifikuar, në mungesë të shpresës dhe perspektivës, është një problem kombëtar alarmues, që duhet të na bashkojë të gjithëve, duke e adresuar me përgjegjshmëri, me atdhetari dhe me profesionalizëm.
Të ndalim shpopullimin duke përmirësuar standardet e qeverisjes, të llogaridhënies demokratike dhe rritur përfaqësimin e të rinjve në vendimmarrje!
Të bashkojmë energjitë për të rikthyer shpresën dhe për t’i dhënë Shqipërisë drejtimin dhe perspektivën e merituar europiane, që të gjithë e dëshirojmë!
