LIGJET E BIZNESIT
Teksa luftimet në Ukrainë vijojnë prej gati një jave, situata e krijuar atje ka tronditur bursat botërore, duke ngritur pikëpyetje lidhur me ndikimin tek ekonomia globale, por edhe ekonomitë lokale të vendeve, siç është edhe ajo e Shqipërisë. Kjo duke pasur parasysh se Rusia është një ndër furnizuesit kryesorë të botës me naftë dhe grurë. Bota rrezikohet nga një krizë e rritjes së çmimeve, e cila do t’i mbivendosej një shtrenjtimi që ka muaj që ka nisur pas pandemisë. Por kjo vetëm kaq.
Emigrantët nga Ukrainë ka nisur tashmë të mbërrijnë edhe në Shqipëri. Një tjetër problem që ka nevojë të adresohet, edhe financiarisht. Në çfarë gjendje e gjen kjo luftë ekonominë shqiptare? A kemi rezerva për të përballuar një situatë alarmi? Çfarë do të ndodhë me çmimet, veçanërisht me grurin dhe karburantet?
Për këtë çështje u diskutua në A2 Business me gazetaren Aurora Sulçe këtë të mërkurë, ku ishte i ftuar edhe Besart Kadia, zëvendësministër i Financave dhe Ekonomisë. Ai u shpreh se ekonomia ruse është vetëm 1,7 përqind e ekonomisë botërore. Për zëvendësministrin kjo krizë nuk do të ketë ndikim të drejtpërdrejtë në Shqipëri.
“Pas tërmetit dhe pandemisë, rritja ekonomike reale për vitin që shkoi dhe për këtë vit, projeksionet janë mbi mesataren e rajonit. Shqipëri nuk është në luftë. Se çfarë ndodh në tregjet ndërkombëtare ka ekspozime.
Ekonomia ruse është 1,7 përqind e ekonomisë botërore. Kjo do të thotë se veç grurit dhe hidrokarbureve që ka Rusia, nuk është se do e çorientojë detyrimisht forcën blerëse. Shqipëria nuk ka ekspozim direkt as në bankat ruse, as në investimet ruse në Shqipëria. Ekonomia shqiptare nuk është e ekspozuar. Në një periudhë një apo dy muaj nuk ka asnjë problem. Kujdes duhet bërë edhe nga politika, tregjet vazhdojnë, ajo që ndryshon janë çmimet”, u shpreh Kadia./a2
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
