“Rusia nuk do të tërhiqet kurrë” Kremlini i vendosur për të vijuar luftën në Ukrainë

Pas sanksioneve që Perëndimi po merr kundër Rusisë, Kremlini zyrtar ka dalë me një reagim të fortë.

Ata shprehen se sanksionet perëndimore nuk do ta bëjnë kurrë Rusinë të ndryshojë qendrimin e saj ndaj Ukrainës.

Zëdhënësi i Kremlinit Dmitry Peskov tha se ndërsa negociatat e drejtpërdrejta midis Moskës dhe Kievit kishin filluar, nuk kishte plane për bisedime midis presidentëve të dy vendeve.

Peskov hodhi poshtë si false akuzat për sulmet ruse ndaj objektivave civile dhe përdorimin e bombave thërrmuese dhe bombave vakum, raportoi Reuters.

Ai nuk pranoi të jepte një vlerësim të situatës ushtarake në terren në ditën e gjashtë të pushtimit rus të Ukrainës, të cilin Kremlini e përshkruan si një operacion special për çmilitarizimin dhe “denazifikimin” e vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Peskov nuk pranoi të komentojë nëse Kremlini e konsideron kryeqytetin Kiev të jetë nën kontrollin e nazistëve, duke ia referuar pyetjen ushtrisë ruse.