Rusia bombardon shkollën me 400 civilë në Mariupol, evakuohen 71 foshnja jetime

Ushtria ruse nuk ka ndalur bombardimet dhe sulmet agresive edhe në këtë ditë të 25-të luftës. Ndonëse Putin ka deklaruar se ai dhe ushtarët e tij nuk do të sulmojnë civilët, kjo deklaratë është thyer disa herë.

Autoritetet ukrainase bëjnë me dije se mëngjesin e sotëm është bombarduar nga forcat ruse një shkollë arti në Mariupol ku strehoheshin 400 civilë.

Që nga nisja e sulmit rusë në Ukrainë, rreth 847 civilë kanë humbur jetën përfshirë 64 fëmijë. Ndërkohë mbi 1,399 civilë të tjerë, duke përfshirë 78 fëmijë, u plagosën nga bombardimet dhe sulmet ajrore.