Rritja e çmimit të naftës, “Shoqata e Konsumatorit” i dërgon letër kreut të autoritetit të konkurrencës

“Shoqata e Konsumatorit” i ka dërguar një letër kreut të Autoritetit të Konkurrencës, Denar Biba duke i kërkuar “llogari” për rritjen e çmimit të karburanteve.

Marrë shkas nga ankesat e qytetarëve “Shoqata e Konsumatorit” i kërkon të merren masa të menjëhershme për “fiksimin” e çmimit të karburantit nga katër operatorët kryesorë ekonomikë në treg.

“Shoqata e Konsumatorit” kërkon kryerjen e vazhdueshme të monitorimeve, kontrolleve ekonomike ai dhe ligjore dhe vendosjen e masave mbrojtëse në favor të konsumatorit. Po ashtu kërkohet që të bëhet publike çmimi ditor i zhdoganimit të karburanteve në portet e naftës sipas çmimeve të bursës nga ana e autoriteteve doganore në një media publike dhe online në faqen e autoriteteve përgjegjëse.