Në një lidhje me emisionin Opinion, kryeministri Edi Rama tha se veprimi i presidentit Vladimir Putin për të pushtuar Ukrainën, e ka unifikuar Europën si kurrë më parë.
“Vladimir Putini e ka unifikuar Europën në shumë pak ditë, duke e rikthyer në kohët më të arta të unitetit të saj, sikundër dëshmojnë ata që e njohin mirë Europën jo vetëm nga librat, por edhe eksperienca.
Kemi patur takim të gjatë, jo vetëm në atë bisedë por edhe të tjera, Rusia ka patur një pezmatim të madh me Ukrainën me atë që ata e quanin sjellja e Perëndimit, me marrëveshjen e Minskut, një sërë pretendimesh sipas tyre të paadresuara nga Perëndimi. Nuk e kam ndjerë këtë që erdhi, përveç shërbimit inteligjent amerikan askush nuk kam dijeni që të dinte që Putini do të kryente një pushtim të Ukrainës”, deklaroi Rama.
