Putin ia thotë hapur Macronit: Ukraina përgjegjëse për incidentin e termocentralit bërthamor më të madh në Europë

Presidenti i Rusisë Vladimir Putin ka akuzuar “radikalët” ukrainas për një incident më 3 mars në termocentralin bërthamor Zaporizhzhia.

Ngjarja ndodhi në Ukrainë, ndërkohë që kremlini zyrtar bën me dije se biseda në fjalë është zhvilluar mes Putin dhe homologut të tij francez Emmanuel Macron.

Dy liderët diskutuan pushtimin rus gjatë një telefonate e cila zgjati një orë e 45 minuta sot.

Sulmi rus në qytetin juglindor të Enerhodar dhe centralin e tij bërthamor në Zaporizhzhia (më i madhi në Evropë), i cili shkaktoi një zjarr, tërhoqi dënimin e menjëhershëm nga liderët botërorë, me ministrat e jashtëm të BE-së dhe NATO-s që po shqyrtojnë sanksione të reja.

Sipas mbikëqyrësit atomik të OKB-së, nuk u lëshua asnjë material radioaktiv.