Sekretari i Shtetit për Mbrojtjen në Britaninë e Madhe Ben Wallace ka paralajmëruar se pushtimi i Ukrainës do të shënojë rënien e presidentit rus, Vladimir Putin.
Ai u shpreh se forcat e Rusisë që janë angazhuar në pushtimin e Ukrainës, janë “rraskapitur” tashmë nga rezistenca e forcave lokale.
Ëallace shtoi se ushtria ruse po përballet me probleme logjistike dhe ka pësuar mijëra humbje në 13 ditët e para të pushtimit.
Wallace shtoi se është “detyrë e pamundur” të pushtosh një vend me 44 milionë banorë, që është më i madh se Franca dhe Gjermania së bashku.
“Ky do të jetë fundi i Putinit dhe kështu duhet të jetë”, tha Wallace për BBC-në.
Sipas tij, Putin është tashmë “një forcë e shpenzuar” në botën e gjerë, sepse komuniteti ndërkombëtar ka konstatuar se pushtimi i Ukrainës dhe katastrofa humanitare që ai ka shkaktuar, “janë të papranueshme”.
Sanksionet ndërkombëtare, të vendosura ndaj Rusisë, “po e zvogëlojnë ekonominë e tij në zero” dhe Putin “është përgjegjës për këtë”, tha Wallace.
