“Po ramë ne, bie dhe Evropa”/ CNN: 92% e forcave ushtarake ruse janë futur në Ukrainë

CNN shkruan se 92% e forcave luftarake ruse të përgatitura për pushtimin janë tani në Ukrainë.

Ndërkohë presidenti ukrainas Volodymyr Zelensky tha se nëse bie Ukraina, bie e gjithë Evropa.

“Sot, ne jemi të gjithë ushtarakë. Disa prej nesh janë ushtarakë, që i shërbejnë vendit tonë në ushtri. Të tjerët po shërbejnë si mjekë… të tjerë po punojnë për të mbrojtur fëmijët dhe familjet e tyre. Kjo është zemra jonë, zemra e Ukrainës, duke qëndruar së bashku kundër së keqes. Përkrahni luftën tonë, sepse nëse Ukraina nuk do të qëndrojë, Evropa nuk do të qëndrojë. Nëse ne do të biem, ju do të bini. Të gjithë ju sot jeni ukrainas. Dilni dhe mbështesni Ukrainën sa më shumë që të mundeni… Dhe nëse fitojmë dhe jam i sigurt se do të fitojmë, kjo do të jetë fitorja për të gjithë botën demokratike. Kjo do të jetë fitorja e lirisë sonë. Kjo do të jetë fitorja e dritës mbi errësirën, e lirisë mbi skllavërinë. Dhe nëse fitojmë, do të lulëzojmë si Europa dhe Evropa do të lulëzojë më shumë se kurrë pas kësaj fitoreje madhështore. Lavdi Ukrainës”, përfundoi ai.