LIGJET E BIZNESIT
Kur kemi kaluar 4 ditë nga nisja e protestave masive të qytetarëve për kundërshtimin e çmimit të naftës, duket se kërkesat e tyre kanë pasur një reflektim.
Vetëm tre ditë më parë çmimi i karburantit për litër shënoi 290 lek, duke bërë kështu që të zërë vendin e çmimit rekord të tregtimit në vendin tonë.
Por protesta e qytetarëve duket se e ka dhënë ndikimin, duke bërë që tregtarët e naftës reflektojnë në lidhje me çmimin e tregtimit. Mësohet se sot çmimi i tregtimit të karburantit për litër, ka pësuar një ulje tjetër duke u tregtuar me 197 lekë të reja.
Kryeministri Edi Rama njoftoi ngritjen e një bordi për kontrollimin e çmimit të tregtimit të karburantit, ku sipas tij çmimi do të përcaktohet nga qeveria dhe çdokush që vendos një çmim të ndryshëm mbi atë që bordi përcakton, do t’i duhet të përballet me drejtësinë.
