Deputeti demokrat Edi Paloka ka ironizuar takimin e kreut të PD Lulzim Bashës me kolegjin e Kryetarëve, duke pohuar se ka mbledhur kandidatët humbës në zgjedhjet vendore të 6 Marsit.
Në një postim në Facebook, ish-nënkryetari i Këshillit Kombëtar të PD-së thotë se edhe kandidatët deklarojnë po njësoj si lideri i tyre se nuk kanë humbur asnjëherë ndonëse PD doli forcë e tretë në këto zgjedhje.
“Vazhdon te behet qesharak deri ne dhimbje, po kjo nuk e shqeteson!
Ka mbledhur sot “kryetaret” e degeve 80% te te cileve i ka emeruar vete. “Kryetare” pa antare, disa prej te cileve e vetmja “pune” qe kane bere qe kur jane emeruar, ka qene ndrrimi i bravave ne selite e PD.
Ka mbledhur dhe kandidatet e tij humbes, qe megjithese te renditur te tretet ne garen me tre vete, deklarojne njesoj si “lideri” se nuk kane humbur asnjehere dhe sigurisht qe L.B nuk ka pse jep doreheqje. Beteja sapo ka filluar !
Neser do mbledhe fisin dhe krushqine…”, shkruan Paloka.
