Operacion në të gjithë vendin, SPAK me “dorë të hekurt” lëshon 44 urdhër arreste

Prokuroria e Posaçme Kundër Korrupsionit dhe Krimit të Organizuar (SPAK) ka nisur një operacion në të gjithë vendin. Mësohet se janë lëshuar 44 urdhër arresti për kultivim të lëndëve narkotike, të cilat janë ekzekutuar.

Operacioni ka nisur në mesnatë në qytetin Shkodër, Vlorë dhe Gjirokastër. Operacioni është ndërmarrë me synim goditjen e grupeve kriminale. Në Vlorë janë shoqëruar disa persona, si pjesë e grupit të dyshuar për trafik të narkotikëve. Aksioni është kryer gjatë natës deri në orët e para të mëngjesit, ndërsa janë kryer kontrolle të shumta në banesa.

Bëhet me dije se janë lëshuar 8 urdhër arreste nga  SPAK në Vlorë, teksa janë shoqëruar 6 persona këtë mëngjes në Vlorë dhe Drashovicë, një person nuk u gjet, ndërsa një tjetër rezulton në burg.

Kontrolle ka pasur edhe në Tiranë, Durrës dhe Lezhë. Sakaq, hetimet vijonin prej tre vitesh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern