“Nuk plotëson kushtet ligjore” Mazhoranca rrëzon kandidaturën e opozitës për anëtarin mbikëqyrës së BSH

Propozimi i opozitës për kandidaturën e Mateo Spahos si anëtar të këshillit mbikëqyrës të Bankës së Shqipërisë, është rrëzuar nga Komisioni i Ekonomisë.

Rezultatet e votimit i bëri me dije nënkryetarja e Kuvendit, Ermonela Felaj, e cila tha se propozimi u rrëzua me 10 vota pro dhe 6 kundër. Sipas saj, Spaho nuk plotëson kushtet ligjore për në Bankën e Shqipërisë.

“Komisioni i Ekonomisë lidhur me propozimin e kryetari të grupit parlamentar të PD ka vijuar mbledhjen me dëgjesën e kandidaturës që u propozua dhe sipas raportit  me 10 vota dhe 6 kundër komisioni vendosi se kandidatura e Mateo Spaho nuk plotëson kriteret ligjore të parashikuara në ligjin për BSH dhe ky raporti i është përcjellë seancës plenare”, u shpreh nënkryetarja e Kuvendit, Ermonela Felaj.