“Ndershmëria ime do të provohet” Kërkoi dorëheqjen si deputet, zbardhet letra e Alqi Bllakos

Mbërrin në Kuvend kërkesa për dorëheqje nga mandati i deputetit i Alqi Bllakos.

Pasi SPAK dha urdhër-arrest për të për shkak të aferës së inceneratorëve, ai shprehet se ka vendosur të jetë në dispozicion të drejtësisë, i bindur se pafajësia e tij do të vërtetohet.

“Me bindjen e plotë se në fund të këtij procesi do të provohet pafajësia ime, integriteti dhe ndershmëria në detyrën e ushtruar me këtë akt personal vihem në dispozicion të drejtësisë duke gjykuar t’i hap rrugën të pakushtëzuar proceseve të mëtejshme të organeve të drejtësisë”- shkruan Bllako.