LIGJET E BIZNESIT
Ministria e Infrastrukturës dhe Energjitikës Belinda Balluku ka shpalosur sot disa masa për kursimin e energjisë elektrike në Shqipëri.
Ajo u shpreh se kriza energjitike në vend vjen si pasojë e luftës në Ukrainë dhe mungesës së reshjeve, teksa shtoi se qeveria ka vendosur të ndërpritet energjia në disa akse pas orës 24:00, aty ku do të shihet e nevojshme.
Balluku theksoi se në vijim energjia e nevojshme do blihet në import duke e kaluar atë sasinë që prodhohet në vend.
“Kriza energjitike është pasojë e luftës në Ukrainë. Kësaj i është shtuar dhe situata në kaskadat e lumenjve ku për shkak të reshjeve të pakëta ato janë në gjendje kritike. Duke nisur që sot importi do jetë më i madh sesa prodhohet. Do bëhet ndërprerja e ndriçimit në akset rrugure kryesore kombëtare. Një masë e marrë është kërkesa që kemi bërë për të kufizuar energjinë që shpenzohet për ndriçimin, për ato që nuk janë të nevojshme. Duke nisur nga ora 24:00 do u kërkohet bashkive që të ndërpresin ndriçimin, për ato që nuk janë të domosdoshme. Do i drejtohemi importit. Për të mos u ndodhur përpara një situate që të ketë ndërprerje, ndaj të gjithë së bashku për të na dhënë mundësinë të ruajmë çmimin dhe pasur mundësinë të kursejmë. Bashkë do e kalojmë këtë krizë ashtu si dhe ato të tjera.” – tha Balluku.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
