“Ndërhyrje anti-ligjore e Felaj” Nuk i dhanë fjalën, Berisha braktis seancën plenare

Ish-kryeministri Sali Berisha ka braktisur Kuvendin pasi nuk i është dhënë fjala për të replikuar me kreun e qeverisë Edi Rama.

Në një prononcim për gazetarët, ai e cilësoi këtë si një ndërhyrje të drejtueses se seancës Ermonela Felaj.

“Tabaku foli sipas listës. Ishte ndërhyrje antiligjore e zonjës Felaj pasi e kuptoi që unë po dilja t’ia përplasja Ramës të gjitha në fytyrë dhe asi u largua dhe ia mbathi.

Pasi dërdëlliti një orë e ca, dublikoi interpelancën e ministres sepse Hila e zoti me fakte poshtë atë. Ky foli gjysmë ore për këtë, dhe për Putinizma. Zonja Felaj s’më dha fjalën ndaj unë dola para jush për të shfrytëzuar fjalën”.