LIGJET E BIZNESIT
Gripi i shpendëve ka shkaktuar shumë panik në rradhët e qytetarëve në vendin tonë.
Në një dalje për mediat ditën e sotme, zv.ministrja e Bujqësisë Ermira Gjeci ka zbuluar të dhënat e fundit në lidhje me virusin.
Ajo ka bërë me dije se deri më tani kemi mbi 382 mijë shpendë të ngordhura, ndërsa shton se s’ka rrezik nga mishi e vezët.
Gjithashtu zëvendës ministrja thekson se në zonat më të prekura nga gripi i shpendëve është ndaluar tregtimi dhe nga kontrollet nuk janë konstatuar shkelje.
“Është e rëndësishme për tregtarët dhe publikun të dinë se është në fuqi urdhri për masat kufizuese për influencën në mjediset e hapura në tregje Durrës, Dibër e Korçë, ndalohet shitja e shpendëve të gjallë në këto qarqe dhe lëvizjen nga ferma në fermë dhe nga ferma në tregje. Jemi në bashkëpunim të ngushtë për të ndaluar çdo tentativë të shkeljes së ligjit. Nuk ka asnjë rrezik si për mishin ashtu edhe për vezën. Produktet janë të kontrolluara. Nuk ka asnjë rrezik për produktet e gatuara mbi 70 gradë celsius” tha Gjeci.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
