Microsoft merr vendimin, ja çfarë ndodhi me Internet Explorer-it

Kanë mbetur pak më pak se 3 muaj për Internet Explorer, shfletuesin e njohur të Microsoft.

Nga data 15 qershor, softueri i shfletimit të internetit do të eliminohet tërësisht dhe do të zëvendësohet nga Edge, pasardhësi i prezantuar dy vjet më parë.

Gjiganti Redmond ka publikuar një artikull në të cilin kujton kohën e vendosur tanimë për Explorer, një program që, për kompaninë, nuk është më në hap me kohën, i pasigurt dhe mjaft i paaftë për të mbështetur shumë nga faqet e krijuara me teknologji moderne.

Sipas të dhënave më të fundit nga Stat Counter, i cili po ashtu analizon tregun e shfletuesve të internetit, Internet Explorer përdoret nga 0,47% e të gjithë përdoruesve ndërsa në kulmin e kundërt është Chrome i Google, i zgjedhur nga 62,78% e shfletuesve.

Deri më sot, shfletuesi i ri nga Redmond është pak mbi pragun prej 4,6% të përdorimit global, teksa, në kulmin e tij, Internet Explorer kishte arritur mbi 90%, në vitet kur konkurrenca mungonte pothuajse tërësisht.

Versioni i parë u prezantua në vitin 1995 ndërsa i fundit nuk është përditësuar që nga viti 2013.