“Më thyhet zemra kur shoh Ukrainën në këtë gjendje” Zelensky ka një mesazh për ndërkombëtarët dhe bën premtimin e madh

Presidenti i Ukrainës Volodymyr Zelensky ka bërë sot një fjalim emocionues.

Ai i kërkoi partnerëve ndërkombëtarë që të ofrojnë zgjidhje të bazuara mbi realitein dhe të mos japin opinione abstrakte.

Zelensky u shpreh se liderët në botë po mblidhen për të diskutuar luftën dhe anëtarësimin e Ukrainës në NATO, ndërsa theksoi se ai e di tashmë kush e mbështet Ukrainën.

Kreu i Shtetit tha se kjo është dita e 15-të që gratë dhe burrat e vendit po mbrojnë Ukrainën dhe kanë zmbrapsur sulmet në zona kyçe.

“Më është thyer zemra nga ajo që pushtuesit u kanë bërë qyteteve tona, shtetit tonë. Rusët duan që ne të gjunjëzohemi. Ne nuk u bëmë skllevër dhe nuk do të bëhemi kurrë sepse ky është shpirti ynë dhe ky është fati ynë”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zelensky tha se pas luftës gjithçka do të rindërtohen në Ukrainë në standardet më të larta.

“Nuk do të mbetet asnjë gjurmë nga pushtimi rus”, tha ai.