“Më ka dhunuar për 15 vite rresht” Bashkëjetuesi 62-vjeçar e hodhi nga ballkoni, gruaja flet nga spitali

Një rrëfim tronditës vjen sot nga qytetarja Valbona Hyseni.

Ajo u hodh dje nga ballkoni nga bashkëjetuesi i saj, pasi e kishte dhunuar.

Ngjarja e rëndë ndodhi dje në Kamzë të Tiranës.

Gruaja e cila dergjej në një shtrat spitali dhe rënkonte vazhdimisht, tregoi se partneri i saj e kishte kërcënuar që mos të tregonte për ngjarjen.

Për ngjarjen në fjalë akuzohet D. Idrizi.

“Mos trego, thuaj jam varur te telat e ballkonit, dhe më ra tensioni. S’më linte, aty rrite te koka. Thoshte; mos ju trego njerëzve, se do të vras. S’më linte t’i tregoja askujt. Tani e mësuan. Kërcënoi vëllain tim. I thashë mos më kërcëno vëllain. Aty nisi, i thash që do të denoncoj, s’duroj dot më. Reagoi dhe tha; ja tregove njerëzve të tu?! Mirë bërë, se do të gjejnë burrë tjetër. Dilaveri më ka dhunuar 15 vite rresht”, tha gruaja.