LIGJET E BIZNESIT
Mbyllet procesi i votimit në 6 bashkitë e Shqipërisë për zgjedhjet e pjesshme vendore.
Në Shkodër, Durrës, Dibër, Lushnje, Rrogozhinë dhe Vorë, qytetarët kanë votuar sot për të zgjedhur kryetarët e rinj të bashkive, ku në disa zona ka patur vështirësi për shkak të dëborës.
Më konkretisht, në tre qendra votimi, dy në Shosh dhe një në Pult të Shkodrës është anuluar votimi për shkak të motit të keq.
Ky proces do të zhvillohet në një moment të dytë duke pritur rezultatin në qendrat e tjera.
Më herët, kryekomisioneri Ilirjan Celibashi raportoi për disa problematika me identifikimin elektronik në disa qendra votimi. Nënkryetarja e KQZ-së, Lealba Pelniku deklaroi se gjatë ditës së sotme janë zëvendësuar 15 pajisje elektronike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në disa qendra votimi të Vorës, procesi nisi pa komisionerët e Partisë Demokratike. Ata nuk u regjistruan pasi nuk ishin banues të kësaj zone.
