“Marrëveshja e re bërthamore nuk mund të vonohet më shumë” Kancelari gjerman lëshon mesazhin urgjent për Iranin

Kancelari gjerman Olaf Scholz i ka bërë sot një thirrje të fortë Iranit.

Sipas tij, ky shtet duhet të veprojë sa më shpejt dhe të zgjidhë të gjitha  çështjet për të arritur marrëveshjen që ringjall paktin bërthamor të vitit 2015, të cilën e ka nënshkruar me fuqitë botërore.

“Ajo çfarë duam të shohim është arritja e një marrëveshjeje në Vjenë”, u ka thënë Scholz gazetarëve të mërkurën, pas takimit që ka zhvilluar me kryeministrin izraelit, Naftali Bennett në Jerusalem.

“Tani është koha për të marrë një vendim. Kjo gjë nuk mund të shtyhet më”, u shpreh ai.

Irani ka nënshkruar marrëveshjen fillestare me Shtetet e Bashkuara, Britaninë, Francën, Gjermaninë, Rusinë dhe Kinën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mirëpo ish-presidenti amerikan, Donald Trump është tërhequr nga marrëveshja më 2018 dhe ka rikthyer sanksionet, duke bërë që Irani gradualisht t’iu shmanget zotimeve të bëra në marrëveshje.

Palët kanë mbajtur disa runde të negociatave në Vjenë – prej prillit të vitit të kaluar – me qëllim të ringjalljes së marrëveshjes.

Më 26 shkurt, ministri i Jashtëm iranian, Hossein Amir-Abdollahian, ka thënë në Tëitter se Teherani është duke “analizuar seriozisht një marrëveshje të re”

Irani ka mohuar se synon të ketë armë bërthamore dhe hedh poshtë pretendimet se mbështet terrorizmin.