Mariupoli po kthehet në hi, Zelensky: Vazhdoni të luftoni, mos u dorëzoni!

Presidenti i Ukrainës, Volodymyr Zelensky, përmes një videomesazhi tha se Mariupoli po “bëhet hi” nga agresioni ushtarak i Rusisë, por qyteti do të mbijetojë.

Në fjalimin e tij, Zelensky vijoi të nxiste ukrainasit që “të bëjnë gjithçka që munden për të mbrojtur vendin, për të shpëtuar popullin “.

“Që kur pushtimi rus i Ukrainës filloi në fund të shkurtit, ne po shohim gjithnjë e më shumë heronj ukrainas. Dikur ukrainas të zakonshëm dhe tani luftëtarë të vërtetë. Luftoni, vazhdoni të luftoni dhe ndihmoni,” u kërkoi ai ukrainasve.

Mariupol, i cili para luftës ishte shtëpia e rreth 450,000 njerëzve, ka qenë nën sulmin vazhdueshëm të forcave ruse që nga fillimi i marsit.