Një aksident tragjik ka ndodhur në Padua, ku humbi jetën një foshnje e porsalindur.
Ngjarja ndodhi pasi një makinë e ka përplasur karrocën me rrota në të cilën ndodhej, duke e tërhequr zvarrë për disa metra. Drejtuesi i makinës nuk e vuri re se një grua po kalonte rrugën te vijat e bardha dhe u përplas me karrocën.
Foshnja djalë u dërgua me urgjencë në spital, por ishte tepër vonë për të. E ëma nuk është lënduar nga aksidenti, teksa ndihet e trishtuar dhe në gjendje të rëndë psikologjike pas ndarjes nga jeta të fëmijës së saj të sapolindur.
Makina drejtohej nga një shtetas maroken, 46 vjeç, ndërsa nëna e foshnjës është një shtetase 34-vjeçare. Gruaja ishte duke shkuar për të marrë djalin tjetër nga kopshti. Policia lokale po heton për dinamikën e ngjarjes.
