Lufta në Ukrainë/ Shtëpia e Bardhë: Biden s’ka ndërmend të bisedojë me Vladimir Putinin

Sekretarja për mediat në Shtëpinë e Bardhë Jen Psaki bëri të qartë se nuk ka plane për një takim apo telefonatë mes presidentit amerikan Joe Biden dhe presidentit rus Vladimir Putin.

“Tani nuk është momenti. Nuk kemi në plan as takim mes tyre apo telefonatë. Presidenti ka qenë shumë, shumë i qartë për këtë. Por ne do ta peshojmë këtë çështje mbi bazën e shumë faktorëve” tha Psaki.

E pyetur nëse ka ndonjë situatë në të cilën Biden do të ulej me Putinin nëse trupat ruse mbeten në Ukrainë, Psaki tha: “Unë nuk mund të bëj një vlerësim për këtë … Tani për tani, ata po pushtojnë një vend sovran dhe situata po përshkallëzohet çdo ditë. S’do të heqim dorë diplomacinë nga tryeza, por përsëri, tani nuk është momenti për këtë.” CNN.