Lëvizje e fortë/ A do të japë dorëheqjen? Basha i mbledh sot pasdite të gjithë në seli

Në orën 17:00 të pasdites së sotme, kryetari i Partisë Demokratike do të bëjë një mbledhje të përmasave të mëdha.

Burime bëjnë me dije se veç deputetëve, në selinë blu do të jenë të pranishëm gjatë ditës së sotme dhe anëtarët e kryesisë dhe kolegji i kryetarëve. Këta të fundit janë të vetmit që kanë qëndruar në krah të Bashës edhe pas humbjes së 6 Marsit.

Kryetarët e degëve kanë fajësuar deputetët për humbjen, me pretendimin se ata nuk kanë qenë aq sa duhet të pranishëm në zonat e tyre elektorale.

Mbeten dy skenarë në tavolinë për mbledhjen e sotme, e para është dorëheqja e Bashës, e cila do t’iu komunikohej në një kohë të gjitha strukturave, dhe skenari tjetër ajo që kryedemokrati të mos e lëshojë karrigen.

Kjo do të sillte padyshim edhe një përplasje në mbledhjen e sotme, ku një pjesë e mirë e deputetëve i kërkuan atij dorëheqjen, duke i lënë edhe afate kohore.