Kuvendi i Shqipërisë voton projektrezolutën në mbështetje të Ukrainës

Kuvendi i Shqipërisë ka votuar projektrezolutën në mbështetje të Ukrainës, duke dënuar agresionin rus.

Pr.rezoluta u miratua në konsensus nga të gjitha palët, ndërsa pas votimit të saj, deputetët mbushën sallën me duartrokitje.

ZHVILLIMET
Kuvendi i Shqipërisë është mbledhur sot në një seancë plenare ku pritet të miratohet rezoluta për mbështetjen e sovranitetit territorial të Ukrainës, kundër agresionit rus.

Në sallë i pranishëm është edhe ambasadori i Ukrainës, Volodymyr Shkurov. Ndërkohë, të gjithë deputetët kanë vendosur fjongo verdh e blu, në mbështetje të Ukrainës, ndërsa në krye të sallës, qëndron një bluze e bardhë me flamurin e Ukrainës dhe atë kuq e zi.