Kandidojnë si anëtarë të Këshillit Mbikëqyrës të BSH, kush janë dy emrat që Komisioni i Ekonomisë dërgoi në Kuvend

Seanca plenare ka marrë sot nga Komisioni i Ekonomisë propozimin e dy kandidaturave si anëtarë të Këshillit Mbikëqyrës së Bankës së Shqipërisë.

Ata janë Anastas Angjeli dhe Natasha Ahmetaj e cila në rast se votohet, do të marrë një mandate të dytë si anëtare.

Kujtojmë se më herët Komisioni i Ekonomisë dëgjoi 17 kandidaturat e vetë-ofruara dhe me mbështetjen e të paktën 28 deputetëve për secilën candidature.

Ky organ i kaloi seancës së ardhshme plenare emrat për anëtarë të këshillit mbikëqyrës të Anastas Angjelit dhe Natasha Ahmetajt.

Në komision deputeti i Partisë Demokratike Arbi Agalliu i kërkoi deputetëve që anëtarët e këshillit mbikëqyrës të kenë gjithë përfshirjen e mazhorancës dhe opozitës për aq kohë sa Banka e Shqipërisë është institucion i pavarur.

Në përgjigje të Agalliut , deputetja Blerina Gjylameti tha se kandidaturat janë shqyrtuar së bashku dhe është rënë kjo dakortësi.