“Jeni në kushtet e heshtjes zgjedhore” Ilirjan Celibashi paralajmëron aktorët politikë

Ditën e sotme po mbahen zgjedhjet e pjesshme vendore në 6 bashki të Shqipërisë.

Kreu i KQZ Ilirjan Celibashi i ka kujtuar subjekteve politike heshtjen zgjedhore.

Ai thekson se çdo thirrje tjetër politike drejt zgjedhësve përveç atyre për pjesëmarrje në votime, është në kundërshtim me dispozitat e Kodit Zgjedhor.

“I rikujtoj të gjitha palëve të përfshira në Zgjedhjet e 6 Marsi se deri në mbylljen e procesit të votimit jemi në kushtet e heshtjes zgjedhore. Çdo thirrje tjetër politike drejt zgjedhësve përveç atyre për pjesëmarrje në votime, është në kundërshtim me dispozitat e Kodit Zgjedhor. Mirëpresim çdo angazhim nga subjektet zgjedhore në mirëadministrimin e procesit”, deklaron Celibashi.