Kryetari i Komanduar i PD Enkelejd Alibeaj deklaroi sot se selia blu u vizitua nga persona të paftuar.
Ai shtoi se ndaj vendimit të Gjykatës së Tiranës do të ketë një ankimim në apel, por gjithashtu edhe do të depozitohet një kallëzim penal ndaj gjyqtarit për shpërdorim detyre.
Duke dhënë versionin e tij lidhur me bisedën që ka pasur me z. Berisha, Alibeaj tha se “PD, 30 vjet pas formimit të saj, nuk mund të mbrojë interesat e demokratëve, duke mbajtur brenda saj, individë, deputetë, që janë shpallur “non grata” nga Shtetet e Bashkuara të Amerikës”.
“Duhet të gjejmë gjuhën e bashkimit, duhet të vendosim interesin e demokratëve të parin, të bashkohemi, të bëhemi shumicë dhe të rrëzojmë regjimin e Edi Ramës, të cilin nuk mund ta rrëzojmë duke përdorur metoda komuniste dhe duke pasur individë me të shkuar komuniste”, tha Alibeaj, duke dhënë detajet lidhur me bisedën që ka pasur me Berishën.
Ai tha se i ka kërkuar z. Berisha që të shohim nga e ardhmja, duke shtuar se i ka kërkuar që të tërhiqet, ashtu sikundër bëri Lulzim Basha.
