Një vatër e re infeksioni e gripit të shpendëve u identifikua në 24 orët e fundit në qarkun e Vlorës.
Në një konferencë për mediat, zv.ministrja e Bujqësisë Ermira Gjeci tha se rasti i ri është konfirmuar në fshatin Aliban.
Ajo tha se Bashkitë do të marrin masa për të ndaluar tregtimin e shpendëve te gjalla në mjedise të hapura të pamiratuara.
“Kemi marrë zotim nga bashkitë për bashkëpunim për marrjen e masave për ndalimin e tregtimit të shpendëve të gjalla në mjedise të hapura të pamiratuara për shitje”, tha zv ministrja.
“Jemi në monitorim të territorit dhe vazhdojmë fushatën sensibilzuese. Ushqimet në tregun tonë janë të kontrolluara, nuk ka rrezik nga konsumi i mishit dhe vezëve të gatuara mbi 70 gradë”, theksoi ajo.
