LIGJET E BIZNESIT
Sekretari i grupit parlamentar të PD Arbi Agalliu, ka kërkuar sot që SPAK të hetojë të dhënat e publikuara në media për aktorin Gazmend Paja.
Thuhet se ai do të investojë në 133 metra katror tokë për ngritjen e një resorti turistik, duke e cilësuar si investitor strategjik.
Agalliu në një deklaratë për mediat theksoi se Paja njihet edhe si aktivist i Partisë Socialiste dhe për këtë duhet të hetohet nëse plotëson kushtet e investitorit strategjik apo është qokë.
DEKLARATË E PARTISË DEMOKRATIKE, SEKRETARI I GRUPIT, ARBI AGALLIU
Nën petkun e investitorit strategjik, kjo qeveri prej vitesh i është vënë kësaj zone me qëllim të vetëm përfitimin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kemi parë si njerëz të afërm të ministrave, të deputetëve të kësaj mazhorance, dalin të fshehur pas kompanive të cilat përfitojnë nën petkun e investitorit strategjik toka dhe sipërfaqe të tëra, ndërkohë që banorët shekullorë të zonës së Dhërmiut, apo të Bashkisë Himarë dhe të gjithë jugut të Shqipërisë, sot e kësaj dite nuk kanë ende certifikatë pronësie të pranverë të tyre të trashëguara nga paraardhësit e tyre.
Dua të ndalem pikërisht tek rasti i cili është denoncuar në media dje dhe unë do të duhet të bëjë disa pyetje, ku ftoj dhe kolegët e mazhorancës, deputetët e qarkut të Vlorës, për të investiguar dhe për të ngritur shqetësimin në zyrat përkatëse por edhe aty ku ligji na e njeh se si është e vërteta e këtij rasti.
Pra, sipas mediave, dje kompania Star Tek në vitin 2017-të ka aplikuar për të marrë një leje ndërtimi për një resort në Dhërmi.
Është refuzuat nga autoritetet përkatëse me argumentet që i janë dhënë në atë vit. Dy vite më pas, së bashku me kompaninë Eco Tek Energy Service, ku aktori i mirënjohur Gazmend Paja, i cili njihet si simpatizant i Partisë Socialiste, por edhe aktivist i saj në promovimin publik të kësaj force politike, është aksioner apo është pronar. Kështu që unë dua të ngre pikërisht këtë pyetje: Çfarë lidhje ka ky individ me këto kompani?
A është i vërtetë fakti që është publikuar dje në media dhe a mund të quhet një aktor humori, investitor strategjik për t’i marrë bregdetit shqiptarë 133 mijë metra katrorë?
Unë e thashë dhe në fjalën time, shqiptarët nuk kanë bukë të hanë në darkë, ndërkohë ministrat dhe ky kabinet qeverie ha hartën e Shqipërisë çdo darkë, duke vënë përpara në tavolinë e duke e copëzuar sipas interesave të tyre.
Kështu që u bëj thirrje organeve përkatëse, Prokurorisë, SPAK e çdo organi tjetër, të hetojë sa më parë nëse me të vërtetë ky është një investitor që i plotëson kushtet të një investitori strategjik, apo që është ndryshe një qokë e bërë ndaj një individi që ka bërë fushatë për Partinë Socialiste apo më keq akoma nëse pas tij fshihen qeveritarë, deputetë apo individ të tjerë sidomos të lidhur me botën e krimit.
Faleminderit!
