Disa protestues janë shoqëruar nga forcat e policisë në kryqëzimin e Myslym Shyrit, mbrëmjen e sotme, pas protestës për rritjen e çmimeve.
Forcat e ndërhyrjes së shpejtë dhe “Shqiponjat” kanë ndërhyrë duke shpërndarë turmën e protestuesve në rrugica.
Policisë i janë bashkuar edhe efektivë të pajisur me skafandra dhe maska kundërgaz. Trafiku vijon të jetë i bllokuar në “Unazën e Vogël” të Tiranës.
