Mbledhja e grupit parlamentar e thirrur nga Enkelejd Alibeaj, pritet të nisë nga momenti në moment, por ai kushtëzoi mbledhjen e plotë me mospraninë e Sali Berishës.
Ish lideri i PD nuk është tërhequr dhe ka shkuar në mbledhje.
Një ditë më parë tha se ka një detyrim madhor absolut nga Kuvendi i 11 dhjetorit, të konfirmimi me referendumin e 18 dhjetorit dhe në zgjedhjet e 6 marsit.
Ndërsa nga grupi i rithemelimit, të parët në selinë blu kanë mbërritur deputetët Edmond Spaho, Tritan Shehu, Luan Baci, Flamur Noka, Sorina Koti, Arbi Agalliu, Belind Këllici dhe Albana Vokshi.
Në Partinë Demokratike kanë mbërritur edhe Edi Paloka, Isuf Çela, Luciano Boci dhe Dash Sula.
Edhe Gazment Bardhi e Enkelejd Alibeaj kanë mbërritur për mbledhje por nuk bënë asnjë koment para mediave.
