LIGJET E BIZNESIT
Këngëtari i njohur, Sabri Fejzullahu, po vijon të jetë i angazhuar me projekte muzikore dhe koncerte të ndryshme.
Së fundmi, ai ka reaguar në lidhje me lajmin në disa media që e kanë shpallur të vdekur.
Fejzullahu ka treguar se është shëndoshë e mirë dhe se po vijon punën pa u ndalur.
“Përshëndetje, të gjithëve juve që e dëgjoni këngën time kudo që jeni shqiptarë të nderuar që ju dua fort, ju çmoj dhe ju respektoj. Është hera e katërt që brenda tre muajve po shkruhet në portale se kam vdekur.
Unë jam gjallë e shëndoshë e mirë punoj kurrë pa u ndal hiç, ju dua me gjithë zemër dhe vetëm ai i madhi vendos se kur do të vdes unë. Faleminderit shumë. Ju dua me shpirt, ju përshëndes”, u shpreh ai.
Megjithëse mbi supe mban 74 vite, Sabriu është ende në top formë.
