E mitura rrëmbehet me forcë, djemtë e fusin në makinë dhe e hedhin në mes të rrugës

Një rasti i rrëmbimit është shënuar në Drenas. Lajmi është konfirmuar nga policia e Kosovës.

Sipas policisë, dy meshkuj e kanë futur me forcë në makinë një vajzë të mitur dhe më pas e kanë liruar duke e shtyrë nga makina e duke e lënë në rrugë.

“Raportohet se dy të dyshuar të panjohur,  me forcë kanë futur në veturë viktimën femër kosovare të moshës së mitur ,dhe më pas e kanë liruar duke  shtyrë nga vetura dhe duke e lënë në rrugë.

Viktima nga disa kalimtarë të rastit është dërguar në stacion policor dhe më pas e njëjta ka pranuar tretman mjekësor . Rasti duke u hetuar nga njësitë relevante”, njofton policia e Kosovës.