Akademiku Anastas Angjeli është votuar nga parlamenti si anëtar i Këshillit Mbikëqyrës së Bankës së Shqipërisë.
Miratimi i kandidaturës së tij është bërë me shumicë votash gjatë seancës së sotme plenare.
Për emrin e Angjelit votuan unanimisht deputetët e opozitës dhe mazhorancës.
Kujtojmë se kandidatura e tij së bashku me atë të Natasha Ahmetajt iu propozua seancës plenare nga Komisioni Parlamentar i Ekonomisë dhe Financave.
Me eksperiencën e tij në akademi dhe në hartimin dhe zbatimin e politikave makro-ekonomike, profesor Anastas Angjeli pritet të japë kontribut të konsiderueshëm në Këshillin Mbikëqyrës të Bankës së Shqipërisë, në këtë moment kur ekonomia po përballet me krizën e çmimeve dhe Banka Qendrore duhet të ruajë inflacionin në nivele të pranueshme.
