LIGJET E BIZNESIT
Selia e Partisë Demokratike prej disa ditësh po i nënshtrohet një rikonstruksioni.
Pothuajse të gjitha zyrat po meremetohen.
Pas heqjes së dyerve të blinduara që u vendosën nga Lulzim Basha në dhjetor të 2021 për të ndaluar hyrjen në seli të mbështetësve të ish-Kryeministrit Sali Berisha, tashmë godina zotërohet nga Komisioni i Rithemelimit, bazuar kjo edhe në vendimin e Gjykatës së Tiranës që njohu vendimet e Kuvendit të 11 dhjetorit 2021.
Bunkerizimi i selisë duket se ka shkaktuar probleme në të gjithë godinën, pasi ndërhyrjet në të me synim vendosjen e të paktën 6 blindave në formë dyersh, kishin bërë që të mungonte totalisht ajrosja dhe muret të visheshin me myk.
Kjo ka bërë që prej të paktën 3 ditësh skuadra punëtorësh të angazhohen për merimetimin e godinës, pjesës së brendshme të saj, pasi me përjashtim të një salle ku zhvilloheshin mbledhjet, e gjithë pjesa tjetër ishte e amortizuar.
Fotot e mëposhtme tregojnë gjendjen në të cilën ndodhet selia e demokratëve, ndërsa prej saj është larguar Lulzim Basha por edhe shumë nga bashkëpunëtorët e tij, të cilët kishin zyrat e tyre në seli.
