“E jona, s’ka” Sali Berisha hyn i buzëqeshur në selinë e PD, ja kush e shoqëron (FOTO)

Ish-kryeministri Sali Berisha ka mbërritur në selinë e Partisë Demokratike.

I buzëqeshur, ai shoqërohej nga ish-deputeti Klevis Balliu dhe ish-ministri i Shëndetësisë Tritan Shehu.

“Përpara jush atje”, është shprehur Berisha në dalje nga zyrat e Rithemelimit para se të mbërrinte me makinë në PD.

“E jona, s’ka!”, tha ish-kryeministri për gazetarët.

Ndërkohë para tyre në selinë blu kanë mbërritur Flamur Noka, Albana Vokshi, Belind Këlliçi dhe Ivi Kaso të cilët ndodhen në një nga zyrat e selisë blu në takim me Enkelejd Alibeajn dhe Gazment Bardhin.

Gjykata e Tiranës njohu sot Kuvendin e 11 Dhjetorit dhe ndryshimet e statutit të PD të bërë nga grupi i Rithemelimit.

Vendimi për të shkuar në selinë e PD është marrë në një mbledhje shumë të shkurtër që u zhvillua në zyrat e Komisionit të Rithemelimit.