“Duhet bërë sa më shpejt” Do ketë zgjedhje të parakohshme? Berisha paralajmëron lëvizjen e rradhës

Ish-kryeministri Sali Berisha deklaroi sot se bashkimi dhe riorganizimi i demokratëve duhet bërë sa më shpejt.

Në këtë mënyrë sipas tij vendi do të shkojë drejt zgjedhjeve të parakohshme shqiptare.

Gjatë bashkëbisedimit me emigrantët në Greqi, në kuadër të turit të “Foltores”, Berisha tha se vota e emigrantëve do të mbetet prioritet për opozitën shqiptare, duke i njohur kështu të drejtën mijëra shqiptarëve, për të votuar dhe për të zgjedhur qeverinë.

Lidhur me protestat, Berisha tha se Edi Rama flet me përçmim duke i akuzuar si putinistë dhe pakicë, pavarësisht se rritja e çmimeve është më e larta se në çdo shtet tjetër, në raport me pagat dhe pensionet që marrin shqiptarët.

Berisha tha se rritja e çmimeve nuk ka ardhur vetëm nga lufta në Ukrainë, por edhe nga spekulimet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Sot qytetarët shqiptarë po e blenë litrin e naftës më shumë se çdo qytetar tjetër europian, edhe pse kanë pagat më të ulëta. Gjithashtu janë rritur çmimet e produkteve bazë ushqimore dhe kjo ka sjellë reagimin e shqiptarëve të ndershëm”, tha Berisha.