“Do të merren vendime të rëndësishme” Pas vendimit të Gjykatës, Berisha i bashkohet mbledhjes së Komisionit

Ish-kryeministri Sali Berisha ka përshëndetur vendimin e Gjykatës së Tiranës për të legjitimuar statutin e 11 dhjetorit.

Sipas tij, kjo gjë nuk mund të ishte ndryshe.

Pak para se ti bashkohej mbledhjes së Komisionit të Rithemelimit Berisha tha se ky vendim është një mesazh vetëm për bashkimin e demokratëve.

Ndërkohë, ka nisur mbledhja e grupit të ‘Rithemelimit’ ku pritet të merren vendime të rëndësishme. Kujtojmë se menjëherë pas vendimit të Gjykatës, kryetari i komanduar i PD-së Enkeled Alibeaj e quajti skandaloze njohjen e atij Kuvendi dhe se për këtë do të kallëzohet penalisht gjyqtari, me akuzën për shpërdorim detyre.

Berisha:Në vlerësimin e çdo shqiptari nuk mund të ishte ndryshe. Por ti thuhet; e drejtë, s’e drejtë. Mesazhi për demokratët është; bashkim, bashkim, bashkim. Do të dal në një takim të shkurtër prapë.